(नंदुरबार) जिल्ह्यातील सर्व तालुक्यांमध्ये शेतकऱ्यांना ॲग्रीस्टॅक फार्मर आयडी प्राप्त करून देण्यासाठी तालुका कृषी अधिकारी कार्यालयामार्फत विशेष कॅम्पचे आयोजन करण्यात आले आहे. या उपक्रमाचा उद्देश म्हणजे शेतकऱ्यांना सरकारच्या विविध योजनांचा थेट लाभ सुलभ, पारदर्शक व डिजिटल स्वरूपात मिळवून देणे.
ॲग्रीस्टॅक फार्मर आयडी म्हणजे काय?
हा आयडी म्हणजे शेतकऱ्याचा युनिक डिजिटल ओळख क्रमांक, जो आधार कार्डसारखा असून शेतकऱ्याच्या जमिनी, शेती पद्धती, पीक प्रकार, योजना लाभ यांसारख्या सर्व माहितीशी डिजिटलरित्या जोडलेला असतो. केंद्र व राज्य शासनाच्या अग्रीस्टॅक प्रकल्पाअंतर्गत हा आयडी निर्माण केला जातो.
ॲग्रीस्टॅक फार्मर आयडीचे मुख्य फायदे:
PM किसान, पीक विमा, नैसर्गिक आपत्ती मदत इ. योजनांचा लाभ थेट बँक खात्यात.
शेतकऱ्यांचे संपूर्ण माहिती भांडार एका क्लिकवर – जसे जमीनधारणा, पीक तपशील, सिंचन व्यवस्था इ.
डिजिटल रेकॉर्डमुळे बँकांना कर्जवाटपासाठी माहिती सहज उपलब्ध होते.
सरकार गरजेनुसार योग्य पुरवठा करू शकते.
एकदा नोंदणी झाल्यावर पुन्हा पुन्हा कागदपत्रे गोळा करण्याची गरज नाही.
हवामान अंदाज, बाजारभाव, सल्ला इत्यादी सुविधा डिजिटलरित्या पोहोचवता येतात.
कॅम्पमध्ये सहभागासाठी आवश्यक बाबी:
1. आधार कार्ड
2. 7/12 उतारा
3. बँक पासबुक
4. मोबाईल नंबर
शेतकऱ्यांना आवाहन:
या डिजिटल योजनेत सहभागी होण्यासाठी आपल्या नजीकच्या तालुका कृषी अधिकारी कार्यालयामार्फत आयोजित कॅम्पमध्ये सहभागी व्हावे. आपली माहिती अचूक व वेळेत नोंदवून आपले ॲग्रीस्टॅक फार्मर आयडी तयार करावा, जेणेकरून भविष्यातील सर्व योजना लाभ आपोआप मिळू शकतील.
नंदुरबार जिल्ह्यातील शेतकऱ्यांसाठी ही एक महत्त्वाची संधी असून, डिजिटल क्रांतीच्या प्रवाहात सहभागी होण्याचे हे पाऊल निश्चितच शेतीला नवे बळ देणारे ठरेल.
