गीता, बायबल, कुराण आणि विकासाचे संविधान प्रमाणे ‘व्हिजन डॉक्युमेंट २०४७’ ही भविष्यासाठीची आपली मार्गदर्शक तत्वे आहेत. व्हिजन डॉक्युमेंट २०४७ प्रमाणे धोरण आखून, विकसित महाराष्ट्राचे स्वप्न साकारू, असे प्रतिपादन मुख्यमंत्री देवेंद्र फडणवीस यांनी केले.विकसित महाराष्ट्र व्हिजन डॉक्युमेंट २०४७ बाबत आयोजित आढावा बैठकीस उपमुख्यमंत्री एकनाथ शिंदे, मुख्य सचिव राजेश कुमार यांच्यासह विविध विभागांचे अपर मुख्य सचिव, प्रधान सचिव व सचिव उपस्थित होते.
पुढील वीस-पंचवीस वर्षांसाठीचा आराखडा तयार होत असताना आपले ध्येय आणि त्यांची दिशा निश्चित असणे आवश्यक आहे. सादरीकरण केवळ कागदोपत्री न राहता ते प्रत्यक्षात साध्य होण्यासाठी आपली संपूर्ण क्षमता लावणे आवश्यक आहे. विविध शैक्षणिक संस्था आणि विद्यापीठे यांच्या गुणवत्ता वाढीवर विशेष लक्ष केंद्रित करण्याचे आवाहनही मुख्यमंत्र्यांनी यावेळी केले.
