(नंदुरबार) प्रशासकीय कामाच्या दगदगीतून अधिकारी-कर्मचाऱ्यांना विरंगुळा मिळावा तसेच त्यांच्या सुप्त कलागुणांना व्यासपीठ मिळावे या उद्देशाने जिल्हा परिषद नंदुरबार आयोजित ‘सांस्कृतिक कला व क्रीडा महोत्सव २०२६’ चा उत्साहपूर्ण वातावरणात शुभारंभ झाला.
महोत्सवाचे उद्घाटन जिल्हाधिकारी डॉ. मित्ताली सेठी आणि मुख्य कार्यकारी अधिकारी नमन गोयल यांच्या हस्ते मशाल प्रज्वलन करून करण्यात आले. यावेळी शिस्तबद्ध पथसंचलन, सांस्कृतिक सादरीकरणे आणि उत्साहपूर्ण वातावरणाने उपस्थितांची मने जिंकली.
कार्यक्रमास अतिरिक्त मुख्य कार्यकारी अधिकारी चंद्रकांत पवार, उपमुख्य कार्यकारी अधिकारी गणेश मोरे, उदय कुसूरकर, हरीभाऊ हाके यांच्यासह जिल्हा व गटस्तरावरील विविध विभागांचे अधिकारी-कर्मचारी मोठ्या संख्येने उपस्थित होते.
जिल्हा परिषद मुख्यालय तसेच नंदुरबार, शहादा, तळोदा, अक्कलकुवा, अक्राणी आणि नवापूर पंचायत समित्यांच्या अधिकारी-कर्मचाऱ्यांच्या पथकांनी शानदार पथसंचलन सादर केले. स्थानिक कला, संस्कृती आणि परंपरेचे दर्शन घडविणारी सादरीकरणे हे या सोहळ्याचे विशेष आकर्षण ठरले.
दि. 24 ते 26 फेब्रुवारी 2026 दरम्यान विविध क्रीडा प्रकार तसेच सांस्कृतिक स्पर्धांचे आयोजन करण्यात आले असून, यामुळे प्रशासकीय यंत्रणेमध्ये संघभावना, उत्साह आणि सकारात्मक ऊर्जा निर्माण होणार आहे.
#Nandurbar#ZillaParishad#SportsFestival#CulturalFestival#TeamSpirit#GovernmentEmployees#AdministrativeUnity#Maharashtra#WorkLifeBalance#Celebration
