नंदुरबार जिल्ह्यातील औद्योगिक विकासाला गती देण्यासाठी नवापूर एमआयडीसी येथे महत्त्वपूर्ण आढावा बैठक उत्साहात पार पडली. या बैठकीस उद्योग विभागाचे प्रधान सचिव मा.श्री.अन्बलगन साहेब तसेच जिल्हाधिकारी डॉ.मित्ताली सेठी यांची प्रमुख उपस्थिती लाभली.
बैठकीदरम्यान नवापूर एमआयडीसी परिसरातील उद्योगांची सद्यस्थिती, उपलब्ध पायाभूत सुविधा, तसेच विकासासाठी आवश्यक बाबींचा सखोल आढावा घेण्यात आला. यावेळी मान्यवरांनी जनरल पॉलिफिन्स या कंपनीला प्रत्यक्ष भेट देत उत्पादन प्रक्रिया आणि कार्यपद्धतीची माहिती घेतली.
यानंतर एमआयडीसी परिसरातील उद्योजक तसेच जिल्हास्तरीय व तालुकास्तरीय अधिकाऱ्यांसोबत सविस्तर चर्चा करण्यात आली. उद्योग उभारणीतील अडचणी, परवानग्या, पायाभूत सुविधा आणि प्रशासनिक प्रक्रियांबाबत उद्योजकांनी आपले मुद्दे मांडले.
चर्चेदरम्यान उद्योग क्षेत्रातील अडथळे दूर करून गुंतवणूक व रोजगारनिर्मितीला चालना देण्यासाठी ठोस उपाययोजना सुचविण्यात आल्या. प्रशासन आणि उद्योग क्षेत्रामध्ये समन्वय साधून जिल्ह्याचा औद्योगिक विकास वेगाने घडवून आणण्यावर विशेष भर देण्यात आला.
या बैठकीत प्रशासनाने उद्योग क्षेत्राला आवश्यक ते सर्व सहकार्य देण्याचा निर्धार व्यक्त केला. नवापूर एमआयडीसीचा विकास हा केवळ उद्योगवाढीसाठीच नव्हे, तर स्थानिक रोजगारनिर्मिती आणि आर्थिक सक्षमीकरणासाठीही महत्त्वाचा ठरणार असल्याचे अधोरेखित करण्यात आले.
ही बैठक नंदुरबार जिल्ह्याच्या औद्योगिक प्रगतीसाठी एक महत्त्वपूर्ण पाऊल ठरत असून, भविष्यात अधिक उद्योगांना आकर्षित करून जिल्ह्याला विकासाच्या नव्या उंचीवर नेण्याची दिशा यातून निश्चित झाली आहे.
#Nandurbar#MIDC#IndustrialDevelopment#MakeInIndia#EmploymentGeneration#Infrastructure#Development#Maharashtra#Growth#Investment
