नंदुरबार येथे जिल्हाधिकारी डॉ. मित्ताली सेठी यांनी आज जिल्हा कोषागार कार्यालयास भेट देऊन सन 2025-2026 या आर्थिक वर्षातील कामकाजाची सखोल तपासणी केली.
या भेटीदरम्यान जिल्हाधिकाऱ्यांनी निधी वितरण, लेखा नोंदी, खर्चाचे नियोजन तसेच विविध शासकीय योजनांच्या आर्थिक अंमलबजावणीचा आढावा घेतला. आर्थिक व्यवहार पारदर्शक, अचूक व वेळेवर पार पाडण्याबाबत त्यांनी संबंधित अधिकाऱ्यांना मार्गदर्शन केले.
शासकीय निधीचा योग्य वापर, लेखापरीक्षणाची काटेकोर अंमलबजावणी तसेच डिजिटल प्रणालींचा प्रभावी वापर करावा असे निर्देश जिल्हाधिकारी यांनी दिले. यामुळे प्रशासन अधिक सक्षम होण्यास मदत होणार असल्याचे त्यांनी नमूद केले.
या प्रसंगी श्री.संतोष पावले, लेखाधिकारी जिल्हाधिकारी कार्यालय नंदुरबार, तसेच जिल्हा कोषागार अधिकारी संजय खडसे, उपकोषागार अधिकारी विजय पाटील उपस्थित होते. अधिकाऱ्यांशी संवाद साधत त्यांनी कामकाजातील अडचणी जाणून घेतल्या व आवश्यक ते मार्गदर्शन केले.
#Nandurbar#Treasury#FinancialYear2026#GoodGovernance#Transparency#DistrictAdministration#PublicFinance#Maharashtra#Accountability
