नंदुरबार जिल्ह्यातील एकात्मिक आदिवासी विकास प्रकल्प तळोदा यांच्या मार्गदर्शनाखाली जागतिक पर्यावरण दिनाचे औचित्य साधून “एक झाड वनहक्कासाठी” हा विशेष उपक्रम तळोदा, अक्कलकुवा व धडगाव तालुक्यातील सामूहिक वनहक्क प्राप्त गावांमध्ये उत्साहात साजरा करण्यात आला.
रावलापाणी, गायमुखी, सरी आणि पिंपळखुटा यासारख्या गावांतील सामूहिक वन हक्क व्यवस्थापन समित्यांनी आपल्या CFR क्षेत्रांमध्ये वृक्षलागवड, संवर्धनासाठी जनजागृती, आणि सामूहिक चर्चासत्रांचे आयोजन केले.
गावकरी, CFR अध्यक्ष-सचिव व सदस्य, स्थानिक पदाधिकारी, कृषी व पशुसंवर्धन विभागाचे अधिकारी, कृषी विज्ञान केंद्राचे शास्त्रज्ञ यांचा कार्यक्रमात मोठ्या संख्येने सहभाग होता. गावकऱ्यांना पर्यावरण संरक्षणाचे महत्त्व पटवून देत पुढील पावसाळ्यात CFR क्षेत्रात मोठ्या प्रमाणावर वृक्षारोपण करून त्याचे संवर्धन करण्याचे आवाहन करण्यात आले.
कार्यक्रमातील प्रमुख उपस्थिती:
डॉ. प्रवीण चव्हाण (KVK नंदुरबार)
डॉ. शुभांगी (पशुसंवर्धन विभाग प्रतापपूर)
डॉ. बिरारी, आरती देशमुख (कृषी महाविद्यालय)
रतिलाल पावरा, दिलीप वसावे, अरविंद राउत (CFR अध्यक्ष)
तसेच सरी व पिंपळखुटा गावातील सरपंच, उपसरपंच व सदस्य उपस्थित होते.
CFR क्षेत्राची जबाबदारी स्थानिक ग्रामस्थांनी स्वेच्छेने स्वीकारली.
वन हक्क व्यवस्थापन समित्यांचे समन्वय व स्वायत्ततेतून संवर्धनाचा आराखडा.
पर्यावरणातील बदल, वणवे, तापमान वाढ यांची कारणमीमांसा व प्रतिबंधात्मक उपाययोजना यावर चर्चा.
या उपक्रमाचे पुढील आठवड्यातही इतर CFR गावांमध्ये आयोजन होणार असून, या माध्यमातून आदिवासी भागातील वन व जैवविविधतेचे शाश्वत व्यवस्थापन सुनिश्चित होणार आहे.
#वनहक्कासाठीएकझाड#पर्यावरणदिन2025#CFRनंदुरबार#AdiwasiRights#SustainableForests#ForestRightsAct#TribalDevelopment#GreenNandurbar#EkZadVanHakkasathi
