शहादा तालुक्यातील शेल्टी या ग्रामीण भागात Axis Bank च्या नव्या शाखेचे उद्घाटन उत्साहात पार पडले. या शाखेचे उद्घाटन जिल्हाधिकारी डॉ. मित्ताली सेठी यांच्या हस्ते करण्यात आले.
यावेळी मार्गदर्शन करताना जिल्हाधिकाऱ्यांनी ग्रामीण व बँकिंग सेवांपासून वंचित असलेल्या भागांमध्ये बँकिंग सुविधा पोहोचविण्याचे महत्त्व अधोरेखित केले. नागरिकांना सुलभ, पारदर्शक आणि विश्वासार्ह सेवा देण्याचे निर्देशही बँक अधिकाऱ्यांना देण्यात आले.
या उद्घाटन सोहळ्यास आमदार राजेश पाडवी, लीड डिस्ट्रिक्ट मॅनेजर नंदकुमार पैठणकर तसेच ॲक्सिस बँकेचे क्लस्टर हेड अभिजीत पाटाईत, शाखा प्रमुख हितेश मेहता आणि इतर अधिकारी उपस्थित होते.
कार्यक्रमास शेल्टी व परिसरातील ग्रामस्थांनी मोठ्या संख्येने उपस्थिती दर्शवली. नव्या शाखेमुळे बँकिंग सेवा गावाच्या दारात उपलब्ध होणार असून आर्थिक व्यवहारांना गती मिळणार आहे.
या शाखेमुळे बचत, कर्ज, डिजिटल व्यवहार आणि विविध शासकीय योजनांचा लाभ ग्रामीण नागरिकांना अधिक सुलभपणे मिळणार आहे. त्यामुळे स्थानिक अर्थव्यवस्थेला चालना मिळून आर्थिक सक्षमीकरणाला बळ मिळेल, अशी अपेक्षा व्यक्त करण्यात आली.
#AxisBank#Nandurbar#FinancialInclusion#RuralDevelopment#BankingServices#DigitalIndia#Maharashtra#EconomicGrowth#GoodGovernance
