महात्मा गांधी राष्ट्रीय ग्रामीण रोजगार हमी योजना (मनरेगा) अंतर्गत नंदुरबार जिल्ह्यातील विविध ग्रामपंचायतींमध्ये आज विशेष रोजगार शिबिरांचे आयोजन करण्यात आले. ग्रामीण भागातील नागरिकांना सरकारी रोजगार योजनांचा थेट लाभ मिळवून देणे, स्थलांतर कमी करणे आणि स्थानिक पातळीवर रोजगाराच्या संधी वाढवणे हा या शिबिरांचा मुख्य उद्देश होता.
या शिबिरांमध्ये नागरिकांना विविध सेवा पुरविण्यात आल्या जसे की –
1. नवीन जॉब कार्ड जारी करणे
2. जॉब कार्डमध्ये नाव समाविष्ट किंवा वगळणे
3. जॉब कार्ड विभक्त करणे
4. आधार कार्ड अपडेट करणे
5. स्थलांतर रोखण्यासाठी जनजागृती
6. ‘सेल्फ वर्क’ आणि हेल्पलाइनची माहिती देणे
महत्त्वाची ठिकाणे आणि उपक्रम:
⦁ कमरावद (ता. शहादा): नवीन जॉब कार्ड, नाव समावेश, विभक्तीकरण आणि जनजागृती कार्यक्रम.
⦁ मोड, सरदारनगर, रापापूर, रामपूर, बंधारा (ता. तळोदा): आधार अपडेट, स्थलांतर रोखण्यासाठी जनजागृती, ‘सेल्फ वर्क’ माहिती.
⦁ बीजगाव (ता. नवापूर): १० नवीन जॉब कार्ड, ८ नावांचा समावेश.
⦁ अंकुशविहीर, घंटाणी, कंकाळा, राजमोही (ता. अक्कलकुवा): व्यापक जनजागृती, विविध सेवा आणि योजनांची माहिती.
⦁ मनरद (ता. शहादा): ‘मागेल त्याला काम’ हेल्पलाइनची माहिती आणि मनरेगातील कामांची सविस्तर माहिती ग्रामस्थांना दिली.
या सर्व शिबिरांमध्ये सरपंच, ग्रामसेवक, पंचायत अधिकारी, PTO, APO, तांत्रिक सहाय्यक आणि ग्रामस्थ मोठ्या संख्येने उपस्थित होते. लाभार्थ्यांना वैयक्तिक व सार्वजनिक योजनांची माहिती देऊन त्यांना स्वयंपूर्ण रोजगाराकडे वाटचाल करण्यासाठी प्रोत्साहित करण्यात आले.
स्थानिक विकासासाठी सकारात्मक पाऊल:
या शिबिरांमुळे शेकडो ग्रामस्थांना मनरेगा योजनेंतर्गत थेट लाभ मिळाला आहे. स्थलांतर कमी करून स्थानिक रोजगारनिर्मितीच्या दिशेने प्रशासनाचे प्रयत्न अधिक प्रभावी होत आहेत. मनरेगा ही केवळ रोजगार योजना नसून ग्रामीण भागातील आर्थिक स्वावलंबन आणि सामाजिक सक्षमीकरणासाठीचा एक परिवर्तनकारी उपक्रम असल्याचे या शिबिरांनी सिद्ध केले आहे.
#मनरेगा#रोजगारहमी#ग्रामीणविकास#Nandurbar#EmploymentGeneration#MGNREGA#SelfReliance#GovernmentSchemes
