नंदुरबार व नवापूर तालुक्यांच्या कामकाजाचा आढावा : मा. उपविभागीय अधिकारी अंजली शर्मा यांच्या अध्यक्षतेखाली बैठक
मा. उपविभागीय अधिकारी अंजली शर्मा यांच्या अध्यक्षतेखाली दि. २३ जानेवारी २०२६ रोजी नंदुरबार येथे आढावा बैठक आयोजित करण्यात आली. या बैठकीत नंदुरबार व नवापूर तालुक्यांचे तहसीलदार, मंडळ अधिकारी व तलाठी यांच्यासह दोन्ही तालुक्यांचे तालुका कृषी अधिकारी व कृषी सहाय्यक उपस्थित होते.
या बैठकीस सार्वजनिक बांधकाम विभाग, नगर पालिका, एनएचएआय, राष्ट्रीय महामार्ग सार्वजनिक बांधकाम विभाग, सिंचन विभाग आदी विविध विभागांचे प्रतिनिधी उपस्थित होते. संबंधित विभागांनी त्यांच्या प्रकल्पांमधील प्रलंबित रॉयल्टी रकमेचा आढावा सादर केला तसेच महसूल व इतर प्रशासकीय कामकाजाची सद्यस्थिती मांडली.
बैठकीदरम्यान कृषी स्टॅकची प्रगती, महसूल प्रशासन, जमीन रूपांतरण प्रकरणे, खाणकाम अंमलबजावणी तसेच रॉयल्टी वसुलीची कामगिरी या प्रमुख विषयांवर सविस्तर चर्चा करण्यात आली. प्रलंबित प्रकरणांचा तातडीने निपटारा करण्याच्या सूचना देण्यात आल्या तसेच विभागांमध्ये समन्वय राखून कामकाज अधिक गतिमान करण्यावर भर देण्यात आला.
या आढावा बैठकीमुळे महसूल संकलन, कृषीविषयक माहिती संकलन व खाणकाम नियंत्रण यासंदर्भातील कामकाजाला अधिक गती मिळण्यास मदत होणार असल्याचे मत व्यक्त करण्यात आले.
