नंदुरबार जिल्ह्यात महिलांच्या अडचणी, तक्रारी व हक्कांच्या संरक्षणासाठी शासनाच्या आदेशानुसार प्रत्येक महिन्याच्या तिसऱ्या सोमवारी ‘महिला लोकशाही दिन’ आयोजित केला जातो. या दिवशी विविध शासकीय विभागांकडून महिलांच्या प्रश्नांचे निवारण करण्यासाठी एकत्रितपणे प्रयत्न केले जातात, तसेच पिडीत आणि समस्याग्रस्त महिलांना न्याय मिळवून देण्यासाठी सुलभ मार्गदर्शन केले जाते.
मात्र, राज्य निवडणूक आयोगाने स्थानिक स्वराज्य संस्थांच्या निवडणुकांचा कार्यक्रम जाहीर केल्याने दिनांक ४ नोव्हेंबर २०२५ पासून आदर्श आचारसंहिता लागू झाली आहे. त्यामुळे, आचारसंहिता लागू असताना शासकीय बैठका आणि उपक्रमांवर निर्बंध लागू असल्याने जिल्हास्तरीय महिला लोकशाही दिनाचे आयोजन तात्पुरते स्थगित करण्यात आले आहे.
आचारसंहिता संपेपर्यंत महिला लोकशाही दिन आयोजित केला जाणार नाही, असे प्रशासनाकडून स्पष्ट करण्यात आले आहे. आचारसंहिता समाप्त झाल्यानंतर हा उपक्रम पूर्ववत सुरू करण्यात येईल.
हा निर्णय निवडणूक आचारसंहितेचे पालन राखण्यासाठी घेतला असून, महिलांच्या तक्रारी व मागण्यांचे निवारण नियमित प्रशासकीय माध्यमांतून सुरूच राहील, अशी माहिती जिल्हा प्रशासनाने दिली आहे.
.
.
.
#महिला_लोकशाही_दिन#Nandurbar#WomenEmpowerment#GoodGovernance
