नंदुरबार | अक्कलकुवा |
नंदुरबार झालेल्या अतिवृष्टीमुळे अक्कलकुवा तालुक्यातील वाण्याविहीर, भाबलपुर, राजमोही, विरपूर, काकडीआंबा या गावांमध्ये पूरसदृश परिस्थिती निर्माण झाली होती. या आपत्तीत नागरिकांचे अन्नसाठा आणि जीवनावश्यक वस्तूंना मोठ्या प्रमाणात हानी पोहोचली.
या पार्श्वभूमीवर, “सेंटर फॉर अॅग्रीकल्चर अँड रुरल डेव्हलपमेंट (CARD), जालना शाखा – नंदुरबार” या सेवाभावी संस्थेच्या माध्यमातून 1800 रेडी टू ईट फोर्टिफाईड मिल्स (Rice-Dal Meal Packs) पूरग्रस्तांना मदत म्हणून वाटप करण्यात आले.
RAHI (Rise Against Hunger India) या संस्थेने हे फोर्टिफाईड मिल्स तयार करून CARD संस्थेला दिले होते. मुंबई ते अक्कलकुवा या ट्रान्सपोर्टसाठी MNF कडून ₹5000, प्रा. डॉ. दीपक बुक्तरे यांनी ₹3000 आणि CYDA चे मॅथ्यू सर यांनी एकूण ₹2000 ची मदत केली.
*मदत वाटपाचे ठळक बिंदू:*
⦁ मदतीचे वाटप तहसीलदार कार्यालय अक्कलकुवा यांच्या मार्गदर्शनाखाली दिनांक 22 जुलै रोजी करण्यात आले.
⦁ वाटप कार्यक्रमात CARD चे सचिव पुष्कराज तायडे, पिरमल फाउंडेशनचे श्री. नीलचंद्र शेंडे, स्थानिक सरपंच, तलाठी, आणि महसूल व वनविभागाचे अधिकारी उपस्थित होते.
⦁ मदत वाटपाच्या अनुषंगाने तहसीलदार कार्यालयाने मंडळ अधिकारी, तलाठी, इ. अधिकाऱ्यांची नियुक्ती केली होती. त्यांनी गावात गोंधळाचे वातावरण निर्माण होणार नाही याची दक्षता घेतली.
*हे उपक्रम पूरग्रस्त नागरिकांसाठी दिलासादायक ठरले:*
फोर्टिफाईड रेडी टू ईट मिल्ससारखी अन्नसुरक्षा देणारी कीट पूरबाधित नागरिकांसाठी तात्काळ उपयुक्त ठरली. या उपक्रमामुळे गरजू कुटुंबांना थेट अन्न मदत मिळाली आणि त्यांच्या पुनर्वसन प्रक्रियेला चालना मिळाली.
*जिल्हा प्रशासन, सेवाभावी संस्था व स्वयंसेवक यांचे मोलाचे योगदान:*
या उपक्रमासाठी तहसील अक्कलकुवा, CARD संस्था, RAHI, MNF, CYDA, आणि स्थानिक अधिकारी, कर्मचारी, स्वयंसेवक यांनी एकत्रितपणे सहकार्य केले.
#DisasterRelief#NandurbarFloods#FortifiedMeals#CARD#RAHI#MNF#CYDA#Akkalkuwa#पूरमदत
