अक्कलकुवा तालुक्याच्या दौऱ्यावर असताना जिल्हाधिकारी डॉ. मित्ताली सेठी यांनी आज बिजरीगव्हाण येथील जिल्हा परिषद शाळेला भेट देऊन शाळेच्या शैक्षणिक आणि पायाभूत सुविधांची पाहणी केली. या भेटीदरम्यान विद्यार्थ्यांसोबत संवाद साधत त्यांनी त्यांच्या शैक्षणिक प्रगती, उपस्थिती, तसेच शाळेतील सुविधांबाबत माहिती घेतली.
शाळेला भेट दिल्यानंतर मध्यान्ह भोजन (शालेय पोषण आहार) कार्यक्रम सुरू असताना डॉ. सेठी यांनी स्वतः विद्यार्थ्यांसोबत बसून पोषण आहाराचा आस्वाद घेतला. भोजनाच्या गुणवत्तेची, स्वच्छतेची व पौष्टिकतेची तपासणी करत त्यांनी समाधान व्यक्त केले.
जिल्हाधिकारी डॉ.मित्ताली सेठी म्हणाल्या —
“शालेय पोषण आहार हा केवळ विद्यार्थ्यांचा जेवणाचा कार्यक्रम नाही, तर त्यांच्या आरोग्य, विकास आणि शिक्षणाशी निगडित अत्यंत महत्त्वाचा उपक्रम आहे. प्रत्येक शाळेत हा कार्यक्रम प्रामाणिकपणे, पारदर्शकतेने आणि स्वच्छतेने राबविला गेला पाहिजे.”
भेटीदरम्यान जिल्हाधिकारी महोदयांनी शिक्षकांशी संवाद साधून विद्यार्थ्यांच्या उपस्थिती, शैक्षणिक गुणवत्ता, आणि शाळेत उपलब्ध सोयी-सुविधांचा आढावा घेतला. त्यांनी शाळा परिसर स्वच्छ ठेवण्याचे, वृक्षारोपण वाढवण्याचे आणि विद्यार्थ्यांना ‘स्वच्छता ही सेवा’ या भावनेने प्रेरित करण्याचे निर्देश दिले.
डॉ. मित्ताली सेठी यांनी विद्यार्थ्यांशी मनमोकळा संवाद साधत त्यांना अधिक मन लावून शिक्षण घेण्याचे, तसेच रोज शाळेत उपस्थित राहण्याचे प्रोत्साहन दिले.
या प्रसंगी तहसिलदार अक्कलकवा, शिक्षण विभागाचे अधिकारी, मुख्याध्यापक, शिक्षकवर्ग तसेच ग्रामपंचायत प्रतिनिधी उपस्थित होते. जिल्हाधिकारी यांच्या या भेटीमुळे शाळेतील विद्यार्थी, शिक्षक आणि ग्रामस्थांमध्ये उत्साहाचे वातावरण निर्माण झाले.
#Nandurbar#DrMitaliSethi#CollectorNandurbar#SchoolVisit#Akkalkuwa#MidDayMeal#EducationForAll#ChildNutrition#ZPschool#GoodGovernance#InspiringLeadership#MitaliSethiMaam#SmartNandurbar#StudentWelfare#EducationFirst#मित्तालीसेठी#नंदुरबार#शालेयपोषणआहार#अक्कलकुवा#विद्यार्थीप्रेरणा#सुशासन
