जिल्हाधिकारी कार्यालय नंदुरबार
मा.जिल्हाधिकारी डॉ.मित्ताली सेठी यांनी राष्ट्रीय डेअरी विकास बोर्ड, नवी दिल्ली मार्फत राबवण्यात येणाऱ्या जिल्हा दुग्ध नियोजन आराखड्याच्या सर्वेक्षण कामाचा आढावा घेतला.
या उपक्रमांतर्गत नंदुरबार जिल्ह्यातील प्रत्येक तालुक्यातून 8 गावे निवडण्यात आली असून, एकूण 48 गावांमध्ये सर्वेक्षणाचे काम सुरू आहे. या सर्वेक्षणातून जिल्ह्यातील दुग्ध व्यवसायाची सद्यस्थिती, क्षमता आणि भविष्यातील विकासाच्या संधींचा अभ्यास करण्यात येणार आहे.
आढाव्यातील ठळक बाबी:
प्रत्येक गावात नेमून दिलेल्या प्रगणांकडून गावनिहाय सर्वेक्षण कामाचा आढावा घेण्यात आला.
सर्वेक्षणाचे काम अचूक, पारदर्शक व पूर्णपणे करण्याबाबत प्रगणांना मार्गदर्शन करण्यात आले.
गावागावात संरक्षण व दुग्ध व्यवसायाबाबत व्यापक प्रसिद्धी करण्याच्या सूचना देण्यात आल्या.
या बैठकीसाठी जिल्हा उपआयुक्त पशुसंवर्धन व दुग्ध व्यवसाय डॉ.तुषार गीते, सहाय्यक आयुक्त डॉ.समीर काजी, तसेच जिल्ह्यातील पशुधन विकास अधिकारी, सहाय्यक पशुधन विकास अधिकारी आणि पशुधन पर्यवेक्षक उपस्थित होते.
जिल्ह्यातील दुग्ध व्यवसायाचा नवा आराखडा
या सर्वेक्षणाच्या निष्कर्षांच्या आधारे नंदुरबार जिल्ह्यासाठी जिल्हा दुग्ध नियोजन आराखडा तयार करण्यात येणार आहे. हा आराखडा राबवण्यात आल्यास –
दुग्ध उत्पादक शेतकऱ्यांना मार्गदर्शन मिळेल,
दुग्ध उत्पादन वाढीस चालना मिळेल,
रोजगार निर्मितीच्या नवीन संधी निर्माण होतील,
महिलांच्या स्वावलंबनाला बळ मिळेल,
दुग्ध व्यवसायातून ग्रामीण अर्थव्यवस्था मजबूत होईल.
मा.जिल्हाधिकारी डॉ.मित्ताली सेठी यांच्या नेतृत्वाखाली नंदुरबार जिल्हा दुग्ध व्यवसायात आत्मनिर्भर होण्याच्या दिशेने एक महत्त्वाचे पाऊल टाकत आहे.
#नंदुरबार#जिल्हाधिकारीडॉमित्तालीसेठी#दुग्धव्यवसाय#राष्ट्रीयडेअरीविकासबोर्ड#AnimalHusbandry#NDDB#Nandurbar#DrMitaliSethi#MilkProduction#RuralEconomy#SelfReliantIndia#WomenEmpowerment
