(नंदुरबार) नंदुरबार जिल्हा पोलीस क्रीडा स्पर्धा ह्या दिनांक 20/08/2023 रोजी पासून पोलीस मुख्यालय नंदुरबार येथील कवायत मैदानावर खेळल्या गेल्या. या 23 व्या नंदुरबार जिल्हा पोलीस क्रीडा स्पर्धांचा दिनांक 23/08/2023 रोजी नंदुरबार जिल्ह्याचे प्रमुख व सत्र न्यायाधीश श्री. राजेश तिवारी व नंदुरबार जिल्ह्याचे पोलीस अधीक्षक श्री.पी.आर. पाटील यांचे प्रमुख उपस्थितीत समारोप समारंभ संपन्न झाला.
नंदुरबार जिल्हा पोलीस क्रीडा स्पर्धा : एकुण 120 सांघिक व वैयक्तिक खेळाडूंचा सहभाग
दिनांक 20/08/2023 रोजी पासून पोलीस मुख्यालय नंदुरबार येथील कवायत मैदानावर खेळल्या गेलेल्या 23 व्या नंदुरबार जिल्हा पोलीस क्रीडा स्पर्धांमध्ये पोलीस मुख्यालय, नंदुरबार विभाग, शहादा विभाग, अक्कलकुवा विभाग असे 04 संघ हे सांघिक व वैयक्तिक खेळ यामध्ये स्विमींग, कुस्ती, ज्युडो, बॉक्सींग, वेटलिफ्टींग, 100, 200, 400, 800 मीटर धावणे, फुटबॉल, हॉकी, व्हॉलीबॉल इत्यादी क्रीडा प्रकारांचा समावेश करण्यात आला होता. प्रत्येक संघामध्ये साधारणत: 30 खेळाडु असे एकुण 120 सांघिक व वैयक्तिक खेळाडूंनी सहभाग नोंदविला होता. (Nandurbar District Police Sports Competition)
प्रमुख व सत्र न्यायाधीश श्री. राजेश तिवारी व नंदुरबार जिल्ह्याचे पोलीस अधीक्षक श्री.पी.आर. पाटील यांचे हस्ते प्रशस्तीपत्र देवून खेळाडूंचा गौरव
तीन दिवसांपासून जिल्हा पोलीस दलाच्या कवायत मैदानावर खेळल्या गेलेल्या 23 व्या जिल्हा पोलीस क्रीडा स्पर्धेत नंदुरबार विभाग संघाने सर्वसाधारण विजेतेपद पटकाविले आहे. सर्वोत्कृष्ट पुरुष ऍ़थलेटिक्सचा पुरस्कार पोलीस शिपाई हेमंत बारी, सर्वोत्कृष्ट महिला ऍ़थलेटिक्सचा पुरस्कार महिला पोलीस शिपाई निंबाबाई वाघमोडे यांनी पटकविला. सांघिक व वैयक्तिक खेळामध्ये पदक प्राप्त खेळाडूंचा नंदुरबार जिल्ह्याच्या नंदुरबार जिल्ह्याचे प्रमुख व सत्र न्यायाधीश श्री. राजेश तिवारी व नंदुरबार जिल्ह्याचे पोलीस अधीक्षक श्री.पी.आर. पाटील यांचे हस्ते प्रशस्तीपत्र देवून गौरव करण्यात आला.
क्रीडा स्पर्धेमुळे खेळाडु पोलीस अमंलदार यांच्यात एक नवा उत्साह निर्माण होतो : श्री.पी.आर.पाटील
तसेच 23 व्या जिल्हा पोलीस क्रीडा समारोप प्रसंगी नंदुरबार जिल्ह्याचे पोलीस अधीक्षक श्री.पी.आर.पाटील यांनी आपले मनोगत व्यक्त करतांना, पोलीस दलात दैनंदिन काम करीत असतांना कामाच्या अतिरीक्त ताणामुळे पोलीस अधिकारी व अमंलदार यांचे आपल्या स्वत:च्या शरीर स्वास्थ्याकडे कायमच दुर्लक्ष होत असते. त्या सर्वांतून बाहेर पडून प्रत्येकाने आपल्या स्वास्थ्याकडे काळजीपूर्वक लक्ष पुरविले पाहिजे. वर्षभर चालत असलेले सततचे बंदोबस्त तसेच तपास यासारख्या गोष्टींमुळे पोलीस दलातील प्रत्येक व्यक्ती कायमच व्यस्त असते. या सर्वातून विरंगुळा व्हावा तसेच शरीर स्वास्थ्याच्या प्रती प्रत्येकाने सजग व्हावे यासाठी दरवर्षी जिल्हा स्तर, विभाग स्तर व राज्य स्तर येथे पोलीस क्रीडा स्पर्धांचे आयोजन केले जाते. जिल्हा पोलीस क्रीडा स्पर्धेमुळे खेळाडु पोलीस अमंलदार यांच्यात एक नवा उत्साह निर्माण होत असतो.
नंदुरबार जिल्हा पोलीस क्रीडा स्पर्धा : सहभागी झालेल्या सर्व स्पर्धकांचे मन:पूर्वक अभिनंदन : श्री. राजेश तिवारी
23 व्या नंदुरबार जिल्हा पोलीस क्रीडा स्पर्धेच्या समारोप समारंभप्रसंगी उपस्थित पोलीस अधिकारी व पोलीस अमंलदारांच्या कुटुंबीयकरीता संगीत खुर्ची, लिंबु चमचा, मटकी फोड, रस्सी खेच इत्यादी कार्यक्रम घेण्यात आले होते. तसेच सदर कार्यक्रमास उपस्थित असलेले नंदुरबार जिल्हा पोलीस दलातील सर्व वरिष्ठ अधिकारी व प्रमुख पाहुणे यांच्यात रस्सी खेच हा सामना उत्कंठा वाढविणारा होता. पोलीस अधिकारी व पोलीस अमंलदारांच्या कुटुंबीयकरीता आयोजीत कार्यक्रमात विजते ठरलेल्यांना देखील यावेळी नंदुरबार जिल्ह्याचे प्रमुख व सत्र न्यायाधीश श्री. राजेश तिवारी यांचे हस्ते प्रमाणपत्र देण्यात आले.
त्याचप्रमाणे 23 व्या जिल्हा पोलीस क्रीडा स्पर्धेमध्ये वैयक्तीक क्रीडा प्रकारामध्ये प्रथम, द्वितीय, तृतीय आलेल्या पुरुष पोलीस अमंलदार, महिला पोलीस अमंलदार व सांघिक क्रीडा स्पर्धेमध्ये प्रथम द्वितीय, तृतीय आलेल्या संघचे अभिनंदन करुन कौतूक केले. तसेच 23 व्या जिल्हा पोलीस क्रीडा स्पर्धेत सहभागी झालेल्या सर्व स्पर्धकांचे मन:पूर्वक अभिनंदन करुन पुढील काळात होणाऱ्या नाशिक विभागीय पोलीस क्रीडा स्पर्धा व महाराष्ट्र राज्य पोलीस क्रीडा स्पर्धा यात सहभागी होणाऱ्या सर्व स्पर्धकांना शुभेच्छा दिल्या. तसेच जिल्हा पोलीस क्रीडा स्पर्धेमध्ये सांघिक व वैयक्तिक खेळातून प्राविण्य मिळविलेल्या खेळाडूंची परिक्षेत्रीय पोलीस क्रीडा स्पर्धेसाठी निवड करण्यात येत असते.
#nandurbar #nandurbarnews #nandurbardistrict #आदिवासी #नंदुरबार_जिल्हा #नंदुरबार
23 व्या जिल्हा पोलीस क्रीडा स्पर्धेच्या समारोप प्रसंगी नंदुरबार जिल्ह्याचे प्रमुख व सत्र न्यायाधीश श्री. राजेश तिवारी, नंदुरबार जिल्ह्याचे पोलीस अधीक्षक श्री.पी.आर. पाटील नंदुरबार जिल्ह्याचे अपर पोलीस अधीक्षक श्री. निलेश तांबे, पोलीस उप अधीक्षक (मुख्यालय) श्री.विश्वास वळवी, नंदुरबार विभागाचे उप विभागीय पोलीस अधिकारी श्री. संजय महाजन, शहादा विभागाचे उप विभागीय पोलीस अधिकारी श्री. दत्ता पवार, अक्कलकुवा विभागाचे उप विभागीय पोलीस अधिकारी श्री.सदाशिव वाघमारे यांचेसह जिल्ह्यातील सर्व पोलीस ठाणे प्रभारी अधिकारी व पोलीस खेळाडु उपस्थित होते. (Nandurbar District Police Sports Competition)
