जिल्हा परिषद प्राथमिक शाळा होळ तर्फे रनाळे — एक यशस्वी उपक्रम
आजच्या गतिमान आणि कौशल्याधिष्ठित शिक्षणयुगात विद्यार्थ्यांना शाळेची ओढ निर्माण होणे अत्यंत महत्त्वाचे आहे. विद्यार्थी जेव्हा आनंदाने, उत्साहाने आणि जिज्ञासेने शाळेत येतात, तेव्हा शिक्षणाची गुणवत्ता स्वयमेव वाढते. हाच दृष्टिकोन स्वीकारत जिल्हा परिषद प्राथमिक शाळा होळ तर्फे रनाळे (ता. नंदुरबार) येथे ‘आनंददायी व रचनात्मक शिक्षण’ या संकल्पनेवर आधारित उपक्रम प्रभावीपणे राबवले जात आहेत.
उपक्रमाची उद्दिष्टे:
या उपक्रमामागील प्रमुख हेतू:
1. विद्यार्थ्यांमध्ये शाळेबद्दल गोडी निर्माण करणे
2. सहशालेय उपक्रमांद्वारे विद्यार्थ्यांच्या भीतीचे निराकरण
3. शिक्षण अधिक आनंददायी, सर्जनशील आणि विद्यार्थी-केंद्री करणे
4. अध्ययन-अध्यापनामध्ये नाविन्यपूर्ण पद्धतींचा समावेश
5. विद्यार्थी–पालक–शाळा यांच्यात मजबुत नाते दृढ करणे
6. विद्यार्थ्यांना 21व्या शतकातील आवश्यक कौशल्ये विकसित करण्याची संधी उपलब्ध करणे
रचनात्मक व सहशालेय उपक्रमांची वैशिष्ट्ये:
शाळेत इयत्ता 1 ते 4 पर्यंत विद्यार्थी असून त्यांच्यासाठी आकर्षक व विविध उपक्रम राबवले जातात:
सांस्कृतिक व शालेय कार्यक्रम:
नृत्य, नाटक, गाणी, कविता वाचन यासारख्या उपक्रमांमुळे मुलांच्या अभिव्यक्ती कौशल्यात वाढ.
सण उत्सव साजरे करणे:
दहीहंडी, दिवाळी, गणेशोत्सव, बालदिन इ. निमित्त विद्यार्थ्यांना सहभागाची संधी.
क्रीडा व स्पर्धा:
विविध क्रीडा स्पर्धा, चित्रकला, हस्तकला इत्यादी स्पर्धांमुळे मुलांमध्ये उत्साह वाढतो.
बालआनंद मेळावा:
आनंदातून शिकण्याचा अनुभव देणारा विशेष उपक्रम, ज्यामध्ये वयाला साजेशी ज्ञानवर्धक स्टॉल्सची मांडणी. हे सर्व उपक्रम मुलांच्या सर्वांगीण विकासासाठी परिणामकारक ठरत आहेत.
या उपक्रमांमुळे शाळेच्या वातावरणात सकारात्मक बदल दिसून आला:
1. विद्यार्थ्यांची शाळेबाबतची ओढ वाढली
2. गैरहजेरीचे प्रमाण लक्षणीयरीत्या कमी झाले
3. शिक्षण अधिक मनोरंजक, सहभागात्मक व सर्जनशील झाले
4. विद्यार्थी आनंददायी व रचनात्मक पद्धतीने शिकू लागले
5. शाळेने गावाचा अभिमान मिळवला आणि गाव शाळेचा आधार बनला
उपक्रमाची फलश्रुती:
⦁ ‘आनंददायी शिक्षण’ या संकल्पनेवर आधारित उपक्रमामुळे होळ तर्फे रनाळे शाळेतील विद्यार्थ्यांच्या शिकण्याची गती वाढली आहे.
⦁ विद्यार्थ्यांचा शाळेकडे पाहण्याचा दृष्टीकोन बदलत असून त्यांच्या मनात शाळेबाबत आपुलकी, आनंद आणि प्रेरणा निर्माण होत आहे.
⦁ सहशालेय उपक्रमांमुळे विद्यार्थ्यांमध्ये 21व्या शतकातील कौशल्ये—सहकार्य, संवाद, सर्जनशीलता व चिंतनशक्ती— विकसित होत आहेत.
⦁ हा उपक्रम शाळेचे वातावरण समृद्ध करण्याबरोबरच शिक्षण क्षेत्रातही एक आदर्श निर्माण करीत आहे.
#Nandurbar#ZPशाळा#CreativeLearning#ChildCentricEducation#SchoolActivities#EducationForAll
