मा. उपविभागीय अधिकारी श्रीमती अंजली शर्मा यांनी नंदुरबार येथील उभारण्यात येत असलेल्या नव्या वैद्यकीय महाविद्यालयाच्या इमारतीस भेट दिली. या भेटीदरम्यान त्यांनी इमारतीच्या बांधकामाची सद्यस्थिती, विविध विभागांची रचना, उपलब्ध व प्रस्तावित सुविधा तसेच सुरू असलेल्या कामांच्या प्रगतीचा सविस्तर आढावा घेतला.
भेटीदरम्यान संबंधित अभियंते व अधिकाऱ्यांकडून कामकाजाबाबत सविस्तर माहिती घेण्यात आली. वैद्यकीय शिक्षणासाठी आवश्यक असलेल्या पायाभूत सुविधांची गुणवत्ता, रुग्णसेवा व शैक्षणिक सोयीसुविधा याबाबत विशेष लक्ष देण्याच्या सूचना मा. अंजली शर्मा यांनी दिल्या. उर्वरित बांधकाम व संबंधित कामे ठरलेल्या कालमर्यादेत व गुणवत्तापूर्ण पूर्ण करण्याबाबत त्यांनी स्पष्ट निर्देश दिले.
नंदुरबार जिल्ह्यासाठी हे वैद्यकीय महाविद्यालय आरोग्यसेवा व वैद्यकीय शिक्षणाच्या दृष्टीने अत्यंत महत्त्वाचे ठरणार असून, भविष्यात जिल्ह्यातील नागरिकांना दर्जेदार आरोग्य सुविधा उपलब्ध होण्यास मोठी मदत होणार आहे.
