(नंदुरबार) आदिवासी अकादमी, नंदुरबार आणि क.ब.चौ.उ.म.वि. संचलित विज्ञान व वाणिज्य महाविद्यालय, मोलगी यांच्या संयुक्त विद्यमाने आयोजित जिल्हास्तरीय अविष्कार–2025 स्पर्धेचा भव्य व उत्साही उद्घाटन सोहळा आज पार पडला.
या उपक्रमाचा शुभारंभ जिल्हाधिकारी मा. डॉ. मिताली सेठी (IAS) यांच्या हस्ते करण्यात आला.
उद्घाटन प्रसंगी डॉ. सेठी यांनी विद्यार्थ्यांच्या संशोधनातील सहभागाचे विशेष कौतुक करीत, ‘‘नवकल्पना आणि संशोधन हीच आदिवासी जिल्ह्याच्या शैक्षणिक प्रगतीची खरी ताकद आहे,’’ असे सांगितले. तसेच जिल्हा प्रशासन आणि विद्यार्थ्यांच्या समन्वयातून क्षेत्रनिहाय विशेष प्रकल्प राबविण्यासाठी पुढाकार घेतला जाईल, असेही त्यांनी स्पष्ट केले.
कार्यक्रमाचे अध्यक्षस्थान आदिवासी ॲकडमीचे संचालक डॉ. किशोर एफ. पवार यांनी भूषवले. ‘‘अविष्कारमुळे विद्यार्थी वैज्ञानिक दृष्टिकोनातून सामाजिक समस्यांचे विश्लेषण करतात आणि नाविन्यपूर्ण उपाय शोधतात,’’ असे त्यांनी भाषणात नमूद केले.
प्रास्ताविक प्रा. स्मिता देशमुख यांनी प्रभावीपणे केले. अविष्कारचे उद्दिष्ट, स्पर्धेची तत्त्वे आणि विद्यार्थ्यांमधील संशोधन संस्कृती वाढवण्याचा हेतू त्यांनी स्पष्ट केला.
प्रमुख पाहुणे—
• प्राचार्य एम. जी. रघुवंशी (व्यवस्थापन परिषद सदस्य)
• प्रा. के. एस. विश्वकर्मा (निरीक्षक–अविष्कार)
या मान्यवरांनी विद्यार्थ्यांच्या मॉडेल्सची पाहणी करून त्यांच्या कल्पकतेचे विशेष कौतुक केले.
या स्पर्धेत 183 संशोधन प्रस्ताव व 256 स्पर्धक सहभागी झाले असून, निवड झालेल्या विद्यार्थ्यांना 30–31 डिसेंबर रोजी विद्यापीठ स्तरावर सादरीकरणाची संधी मिळणार आहे.
विज्ञान, सामाजिक विकास, पर्यावरण, तंत्रज्ञान आणि उद्योजकता अशा विविध क्षेत्रांतील नाविन्यपूर्ण कल्पनांनी वातावरण उत्साहपूर्ण झाले.
कार्यक्रमाचे सुत्रसंचालन प्रा. माधव कदम यांनी तर आभार प्रदर्शन योगेश राणे यांनी केले.
या उपक्रमाच्या यशस्वीतेसाठी आदिवासी अकादमी आणि मोलगी महाविद्यालयातील प्राध्यापक व कर्मचाऱ्यांनी मोठे योगदान दिले.
अविष्कार–2025 विद्यार्थ्यांमध्ये नवीन विचार, संशोधनाची ओढ आणि भविष्यातील संशोधक व उद्योजक घडविण्याची क्षमता निर्माण करणारा उपक्रम ठरला.
#Aavishkar2025#Nandurbar#Innovation#Research#DistrictEvent#TribalAcademy#EducationNews#YouthInnovation#MulgiiCollege#StudentTalent
