नागरिकांना सुलभ, जलद आणि पारदर्शक सेवा देण्यासाठी नाविन्यपूर्ण उपक्रम राबविणाऱ्या अधिकाऱ्यांचा राज्यस्तरावर गौरव करण्यात आला. या अंतर्गत नंदुरबार जिल्ह्याच्या जिल्हाधिकारी डॉ. मित्ताली सेठी यांना ‘राज्य सेवा हक्क दिन’ निमित्त विशेष सन्मान प्रदान करण्यात आला.
सह्याद्री अतिथिगृह येथे सामान्य प्रशासन विभाग व महाराष्ट्र राज्य सेवा हक्क आयोग यांच्या संयुक्त विद्यमाने आयोजित कार्यक्रमात राज्याचे मा.मुख्य सचिव राजेश अग्रवाल यांच्या हस्ते हा सन्मान प्रदान करण्यात आला. कार्यक्रमाच्या अध्यक्षस्थानी मा.मुख्य आयुक्त मनु कुमार श्रीवास्तव होते.
नंदुरबारचा राज्य पातळीवर ठसा
नंदुरबार जिल्ह्यात राबविण्यात आलेल्या विविध नाविन्यपूर्ण उपक्रमांमुळे सेवा वितरण अधिक प्रभावी, पारदर्शक आणि नागरिकाभिमुख झाले आहे. डिजिटल तंत्रज्ञानाचा वापर करून प्रशासनाने सेवांमध्ये गती आणि सुलभता आणली आहे. या उल्लेखनीय कार्याची दखल घेत जिल्हाधिकारी डॉ. सेठी यांचा राज्यस्तरावर गौरव करण्यात आला.
डिजिटल व एआय आधारित प्रशासनाची दिशा
मा.मुख्य सचिवांनी यावेळी डिजिटल समन्वय आणि एआय आधारित सेवा प्रणालींचे महत्त्व अधोरेखित केले. भविष्यात नागरिकांच्या गरजा ओळखून स्वयंचलित सेवा देण्याच्या दिशेने शासन वाटचाल करत असल्याचे त्यांनी नमूद केले.
उपक्रमांचे संस्थात्मक रूपांतर आवश्यक
मा.मुख्य आयुक्तांनी यशस्वी उपक्रमांचे दस्तऐवजीकरण करून ते राज्यभर राबविण्याची गरज व्यक्त केली.
प्रेरणादायी कामगिरीचा सन्मान
नाविन्यपूर्ण, प्रभावी व परिणामकारक प्रशासनाच्या माध्यमातून नागरिकांना उत्कृष्ट सेवा देण्याच्या कार्यासाठी नंदुरबार जिल्ह्याचा गौरव संपूर्ण राज्यासाठी प्रेरणादायी ठरला आहे.
प्रशासनाच्या कार्यक्षमतेत वाढ, पारदर्शकता आणि तंत्रज्ञानाचा प्रभावी वापर यामुळे ‘सेवा हक्क’ अधिक मजबूत होत असल्याचे या सन्मानातून अधोरेखित झाले.
#राज्यसेवाहक्कदिन#Nandurbar#DrMittaliSethi#GoodGovernance#DigitalIndia#TransparentGovernance#PublicService#Innovation#Maharashtra#JilhaPrashasan
