(नंदुरबार) राज्य अनुसूचित जाती आयोगाचे उपाध्यक्ष तथा सदस्य ॲड. धर्मपाल मेश्राम यांनी आज नंदुरबार जिल्हा दौऱ्यातील भेटीअंतर्गत जिल्हाधिकारी कार्यालयास भेट दिली. या वेळी जिल्हाधिकारी डॉ. मित्ताली सेठी यांनी त्यांचे पुष्पगुच्छ देऊन स्वागत केले.
या प्रसंगी सहाय्यक जिल्हाधिकारी अंजली शर्मा (नंदुरबार), कृष्णकांत कनवारीया (शहादा) तसेच विविध विभागांचे अधिकारी उपस्थित होते.
बैठकीदरम्यान जिल्ह्यातील विकासकामे, सामाजिक उपक्रम आणि शासकीय योजनांच्या अंमलबजावणीबाबत सविस्तर चर्चा करण्यात आली. तसेच नगरपरिषदांच्या कार्याचा आढावा घेण्यात आला असून, अनुसूचित जाती घटकांसाठी राबविण्यात येणाऱ्या उपाययोजनांची माहिती सादर करण्यात आली.
या चर्चेद्वारे सामाजिक न्याय, समावेशक विकास आणि शासकीय योजनांची परिणामकारक अंमलबजावणी सुनिश्चित करण्यावर भर देण्यात आला.
जिल्हाधिकारी डॉ. मित्ताली सेठी यांनी सांगितले की,
“जिल्हा प्रशासन सामाजिक न्याय व समतोल विकासासाठी कटिबद्ध असून, अनुसूचित जाती समाजाच्या प्रगतीसाठी सर्व योजनांची प्रभावी अंमलबजावणी केली जाईल.”
#Nandurbar#DistrictAdministration#DrMitaliSethi#DharmapalMeshram#SCCommission#SocialJustice#InclusiveDevelopment#GoodGovernance#TeamNandurbar#SocialEmpowerment#UrbanDevelopment#SCWelfare#MaharashtraGovernment#DigitalNandurbar
