(नंदुरबार) हैद्राबाद येथील Indian Council of Agricultural Research (ICAR) संचलित Indian Institute of Millet Research (IIMR) या संस्थेसोबत व्हिडिओ कॉन्फरन्सद्वारे महत्त्वपूर्ण बैठक पार पडली. या बैठकीत नंदुरबार जिल्ह्यात रबी हंगामात पहिल्यांदाच मिलेट (भगर) पिकाची पेरणी करण्याचा महत्त्वाचा निर्णय घेण्यात आला.
500 एकरवर भगर पेरणीची योजना:
IIMR संस्थेकडून नंदुरबार जिल्ह्यासाठी 1000 किलो बीजप्रक्रिया केलेले बियाणे पाठविण्यात आले असून, या बियाण्याच्या सहाय्याने 500 एकर क्षेत्रावर भगर पेरणी होणार आहे. तसेच, बैठकीत ठरल्याप्रमाणे IIMR आणखी 1000 किलो मिलेट बियाणे पाठविणार असून, पुढील टप्प्यात या क्षेत्रात आणखी वाढ करण्यात येणार आहे.
जिल्ह्यातील पहिला रबी मिलेट प्रयोग:
या वर्षी रबी हंगामात नंदुरबार जिल्ह्यात मिलेटची पेरणी प्रथमच करण्यात येणार आहे. हा उपक्रम जिल्ह्यासाठी कृषी विविधीकरण आणि शाश्वत शेतीकडे वाटचाल करणारा महत्त्वाचा टप्पा ठरणार आहे.
आदिवासी शेतकऱ्यांसाठी नवे संधीचे दालन:
या प्रकल्पामुळे विशेषतः धडगाव व अक्कलकुवा तालुक्यातील आदिवासी शेतकऱ्यांच्या उत्पन्नात वाढ होण्याची अपेक्षा आहे. भगर (मिलेट) हे अल्प पर्जन्य, कमी इनपुट व अधिक पोषक मूल्य असलेले पीक असल्याने शेतकऱ्यांना आर्थिकदृष्ट्या अधिक स्थिरता मिळू शकेल.
पुढील वर्षी मिलेट पेरणीचा विस्तार करून जिल्ह्यातील अधिकाधिक शेतकऱ्यांना या पिकाच्या माध्यमातून जोडण्याचा प्रशासनाचा मानस आहे. यामुळे नंदुरबार जिल्हा “मिलेट मिशन” अंतर्गत एक आदर्श जिल्हा म्हणून पुढे येण्याची शक्यता निर्माण झाली आहे.
#MilletMission#Nandurbar#Bhagar#ICAR#IIMR#SustainableFarming#Rabi2025#NandurbarAgriculture#CollectorOfficeNandurbar
