मराठा-कुणबी पदवीधर युवकांना ‘सारथी’चा आधार; स्टार्टअप उभारणीसाठी मिळणार दरमहा २५ हजार रुपये विद्यावेतन

महाराष्ट्र शासनाचा 'सरसेनापती संताजी घोरपडे सारथी उद्योजकता विकास (इन्क्युबेशन)' उपक्रम सुरू करण्यात आला आहे. यामध्ये राज्यातील १३ नामवंत इन्क्युबेशन केंद्रांमार्फत प्रत्येकी १० उद्योजकांना १२ महिन्यांसाठी दरमहा २५,००० रुपये फेलोशिप, ऑफिस स्पेस, तज्ज्ञांचे मार्गदर्शन आणि गुंतवणूकदारांशी संपर्क साधण्याची संधी मिळेल.
मराठा-कुणबी पदवीधर युवकांना ‘सारथी’चा आधार; स्टार्टअप उभारणीसाठी मिळणार दरमहा २५ हजार रुपये विद्यावेतन
SARTHI supports Maratha-Kunbi graduate youth; ₹25,000 monthly stipend to launch startups
  • प्राधान्य दिले जाणारे क्षेत्र. कृषी तंत्रज्ञान, फूडटेक, इलेक्ट्रिक वाहने, कृत्रिम बुद्धिमत्ता (AI), आयओटी (IoT) आणि अक्षय ऊर्जा यांसारख्या नाविन्यपूर्ण तंत्रज्ञानावर आधारित व्यवसाय कल्पनांना यामध्ये प्राधान्य दिले जाईल.
  • पात्रता आणि निकष. अर्जदार महाराष्ट्राचा रहिवासी आणि संबंधित प्रवर्गातील किमान पदवीधर असावा. कुटुंबाचे वार्षिक उत्पन्न ८ लाख रुपयांपेक्षा जास्त नसावे. निवड झाल्यावर उमेदवाराने १ वर्ष पूर्णवेळ स्टार्टअपवर काम करणे बंधनकारक असून, या काळात इतर पगार किंवा सारथीचा इतर आर्थिक लाभ घेता येणार नाही.
  • आवश्यक कागदपत्रे आणि अर्ज प्रक्रिया. अर्जासाठी महाराष्ट्राचे अधिवास प्रमाणपत्र, जात प्रमाणपत्र, नॉन-क्रीमीलेअर किंवा ८ लाखांच्या आतील उत्पन्नाचा दाखला, पदवीचे प्रमाणपत्र आणि स्टार्टअपचा सविस्तर बिझनेस प्लॅन आवश्यक आहे. इच्छुक उमेदवार सारथीच्या अधिकृत संकेतस्थळावर किंवा संबंधित इन्क्युबेशन केंद्रांच्या पोर्टलवर ऑनलाइन अर्ज करू शकतात.
जाहिरात
Dev-Mogra-Nandurbar-Ad-300x250
Follow Us: