तृतीयपंथीयांचे सामाजिक व आर्थिक सक्षमीकरण : जिल्हाधिकारी कार्यालयात महत्त्वपूर्ण आढावा बैठक संपन्न
(नंदुरबार) तृतीयपंथी (Transgender) समुदायाला मुख्य प्रवाहात आणून त्यांच्या सामाजिक व आर्थिक सक्षमीकरणाला गती देण्यासाठी जिल्हाधिकारी डॉ. मित्ताली सेठी यांच्या अध्यक्षतेखाली ‘रंगावली सभागृह’ येथे विशेष आढावा बैठक पार पडली. बैठकीत विविध विभागांच्या माध्यमातून राबविण्यात येणाऱ्या उपक्रमांचा सविस्तर आढावा घेऊन पुढील दिशा निश्चित करण्यात आली.
बैठकीतील प्रमुख मुद्दे :
तृतीयपंथी कॅफे — प्रस्तावित तृतीयपंथी संचलित कॅफेच्या प्रगतीचा आढावा घेऊन काम गतीमान करण्याच्या सूचना देण्यात आल्या.
ट्रान्स सेल — प्राप्त अर्जांचे निवारण, सेवा वितरण व कामकाजाबाबत सविस्तर चर्चा करण्यात आली.
कौशल्य विकास — स्वयंरोजगारासाठी विशेष प्रशिक्षण वर्ग सुरू करण्याबाबत नियोजन करण्याचे निर्देश देण्यात आले.
उद्योजकता व शेती जोडधंदा — शेळीपालन, दुग्धव्यवसाय व कृषीपूरक उद्योगांमध्ये संधी उपलब्ध करून देण्यावर भर देण्यात आला.
रुरल मार्ट व बचत गट — बचत गटांना अनुभवासाठी अभ्यास दौरे आयोजित करण्याचे निर्देश देण्यात आले.
पुढील दिशा :
सर्व विभागांनी राबविण्यात येणारे उपक्रम ‘Outcome Based’ (परिणामकारक) पद्धतीने असावेत, जेणेकरून प्रत्यक्ष लाभार्थ्यांपर्यंत परिणाम दिसून येतील, असे स्पष्ट निर्देश जिल्हाधिकाऱ्यांनी दिले.
या बैठकीस जिल्हा नियोजन कार्यालय, समाज कल्याण विभाग, महिला आर्थिक विकास महामंडळ (MAVIM), जिल्हा उद्योग केंद्र (DIC), उमेद (MSRLM), कौशल्य विकास विभागाचे अधिकारी तसेच तृतीयपंथी समुदायाचे प्रतिनिधी उपस्थित होते.
या उपक्रमांमुळे तृतीयपंथी समुदायाला सन्मानाने जगण्याच्या संधी उपलब्ध होऊन जिल्ह्यात समावेशक विकासाला चालना मिळणार आहे.
#TransgenderEmpowerment#InclusiveDevelopment#SocialJustice#SkillDevelopment#SelfEmployment#Nandurbar#GovernmentInitiative#WomenAndChild#MAVIM#MSRLM#EqualityForAll
संबधित बातम्या
