‘दुष्काळात दिवाळी’; २० हजार शेतकऱ्यांचे वीज बिल झाले ‘निल’!
(नंदुरबार) राज्यातील ७.५ हॉर्सपॉवरपर्यंतच्या कृषिपंपांची जुनी वीजबिल थकबाकी पूर्णपणे माफ करण्याचा निर्णय शासनाने घेतला आहे. या निर्णयामुळे नंदुरबार जिल्ह्यातील २० हजार ३३६ थकबाकीदार शेतकऱ्यांचे मासिक वीज बिल 'शून्य' (निल) झाले आहे. यामुळे जिल्ह्यातील शेतकऱ्यांना मोठा दिलासा मिळाला आहे.
- एकूण वीज बिल माफी: राज्यातील शेतकाऱ्यांचे १० वर्षांपासूनचे थकीत असलेले सुमारे ४८ हजार कोटी रुपयांचे वीज बिल पूर्णपणे माफ करण्यात आले आहे.
- नंदुरबार जिल्ह्यातील थकबाकी: नंदुरबार जिल्ह्यातील २० हजार थकबाकीदार शेतकऱ्यांकडे ३९८ कोटी रुपयांची थकबाकी आहे.
- जिल्ह्यातील ९ उपविभागांमधील थकबाकीची स्थिती:
- नंदुरबार ग्रामीण १: ३ हजार ३०४ शेतकऱ्यांकडे ५४ कोटी ९८ लाख रुपये.
- नंदुरबार ग्रामीण २: ३ हजार ९४४ शेतकऱ्यांकडे ६७ कोटी ११ लाख रुपये.
- नंदुरबार शहरी भाग: ४८ वीज ग्राहकांकडे ७४ लाख रुपये.
- नवापूर ग्रामीण: ४ हजार ४५४ शेतकऱ्यांकडे ६० कोटी ९२ लाख रुपये.
- अक्कलकुवा: १ हजार ३७ ग्राहकांकडे १८ कोटी ३ लाख रुपये.
- धडगाव: ९५ ग्राहकांकडे १ कोटी ६८ लाख रुपये.
- शहादा उपविभाग: २ हजार ४९९ ग्राहकांकडे ५४ कोटी ८९ लाख रुपये.
- शहादा दोन (अंतर्गत): ३ हजार ३०९ ग्राहकांकडे ६२ कोटी २ लाख रुपये.
- तळोदा: १ हजार ७४२ ग्राहकांकडे ३२ कोटी १० लाख रुपये.
शेतकऱ्यांना होणारे फायदे:
- नवीन वीज कनेक्शन: जुन्या थकबाकीमुळे शेतकऱ्यांना नवीन वीज कनेक्शन मिळण्यात किंवा लोड वाढवून मिळण्यात अडचणी येत होत्या. आता थकबाकी माफ झाल्यामुळे नवीन कनेक्शन विनासायास मिळणार आहे. जिल्ह्यातील सुमारे ७ हजार शेतकऱ्यांनी नवीन कनेक्शनसाठी अर्ज केले आहेत.
- मोफत वीज योजना: ‘मुख्यमंत्री बळीराजा मोफत वीज योजने’अंतर्गत ७.५ हॉर्सपॉवरपर्यंतच्या कृषिपंपांचे चालू वीजबिलही शासनाकडून माफ करण्यात आले असून, शेतकऱ्यांना चालू वीजबिल ‘निल’ येत आहे.
Follow Us:
संबधित बातम्या
