गर्भवती व स्तनदा मातांना पोषण आणि आरोग्य सुविधा अखंडितपणे मिळाव्यात; दुष्काळग्रस्त भागांसाठी विशेष कृती आराखडा.

        अंगणवाड्यांना दररोज भेट देऊन कामाचा आढावा घ्यावा आणि दुष्काळी परिस्थितीत अंगणवाड्या सुरू ठेवण्याबाबत संबंधित जिल्हाधिकाऱ्यांच्या निर्देशानुसार कार्यवाही करावी, असे निर्देश महिला व बालविकास मंत्री आदिती तटकरे यांनी दिले.दुष्काळाच्या पार्श्वभूमीवर एकात्मिक बाल विकास सेवा योजनेमार्फत राबविण्यात येणाऱ्या उपाययोजनांचा आढावा दूरदृश्यप्रणालीद्वारे झालेल्या बैठकीत घेण्यात आला. यावेळी मंत्री आदिती तटकरे यांनी विविध जिल्ह्यांतील समस्या जाणून घेतल्या.