पशुधनाला दिलासा! रोजगार हमी योजनेतून आता अतिरिक्त चारा लागवड
(नंदुरबार) राज्यातील दुष्काळी परिस्थितीमुळे उद्भवलेली चारा टंचाई कमी करण्यासाठी आणि पशुधनासाठी हिरवा व सुका चारा उपलब्ध करून देण्यासाठी शासनाने गायरान तसेच वैयक्तिक जमिनीवर अतिरिक्त चारा पिकांच्या लागवडीला मान्यता दिली आहे.
- अंतर्गत योजना: हा कार्यक्रम महाराष्ट्र रोजगार हमी-विकसित भारत रोजगार व आजीविका हमी मिशन (ग्रामीण) अंतर्गत राबवला जाणार आहे. यामध्ये समुदाय उपयोगासाठी आणि वैयक्तिक लाभार्थ्यांसाठी कामे घेतली जातील.
- बियाणे व वाण: लाभार्थ्यांना महाबीज, राष्ट्रीय बीज महामंडळ, कृषी विज्ञान केंद्र किंवा इतर मान्यताप्राप्त संस्थांकडून बियाणे उपलब्ध करून दिले जाईल. कमी पाण्यात आणि कमी कालावधीत जास्त उत्पादन देणाऱ्या व एकापेक्षा अधिक वेळा कापणी करता येणाऱ्या वाणांना प्राधान्य असेल.
- मंजुरी व अंमलबजावणी: स्थानिक हवामान, जमीन आणि सिंचनाची सोय पाहून पशुसंवर्धन विभागाचे अधिकारी शिफारस करतील. ग्रामपंचायत, कृषी विभाग आणि पशुसंवर्धन विभाग या कामांची अंमलबजावणी करणारी यंत्रणा असेल.
- नियम व अटी: या कामांमध्ये मजुरांच्या श्रमाला प्राधान्य दिले जाईल आणि यंत्रसामग्रीचा वापर करण्यास बंदी असेल. तसेच योजनेचे सामाजिक अंकेक्षण (Social Audit) करणे आणि सर्व आर्थिक मर्यादा व अटींचे पालन करणे बंधनकारक राहील.
Follow Us:
संबधित बातम्या
