नंदनगरीत पावसाळी गीतांची सुरांची बरसात; ‘रिमझिम गिरे सावन’ कार्यक्रमात रसिक मंत्रमुग्ध!
डी.आर. हायस्कूलच्या जिमखान्यात रंगली मैफिल
नंदुरबार शहरातील डी.आर. हायस्कूलच्या जिमखान्यात हा बहारदार कार्यक्रम संपन्न झाला. श्रावण महिन्याचे औचित्य साधून आयोजित केलेल्या या मैफिलीत शहरातील तब्बल ३० नामवंत कलाकारांनी सहभाग नोंदवला होता. ‘रिमझिम गिरे सावन’ या संकल्पनेवर आधारित जुनी व नवी सदाबहार पावसाळी गीते कलाकारांनी आपल्या सुमधुर आवाजात सादर केली. गाण्यांच्या या प्रवासाने रसिकांना जुन्या आठवणींमध्ये रममाण केले.
कलाकारांची लाभली सुरेल साथ
या सांगीतिक महोत्सवात पल्लवी कुलकर्णी, किरण वाणी, दिप्ती शिवदे, जितेंद्र खवळे, प्रा. नरेंद्र मराठे, राकेश कलाल, प्रतिभा कुलकर्णी, रमाकांत पाटील, भारती मोराळकर, दुर्गेश वैष्णव, रचना निकम, चंपालाल चौधरी, मनिषा माळी, डॉ. संदीप बोरसे, वैभवी बोरसे, रणजीत राजपूत, वंदना राजपूत, जाह्नवी तळवी, यश दलाल, शुभांगिनी देवकर, प्रविण पाटील, रवी सूर्यवंशी, मिनल म्हाळतकर, सुभाष मोराळकर, भारती मोराळकर, राजेंद्र विसपुते, हेमलता भावसार आदी कलाकारांनी आपली गीते सादर करून मैफिलीत रंग भरले. कार्यक्रमाच्या शेवटी सहभागी सर्व कलाकारांना प्रमाणपत्र देऊन सन्मानित करण्यात आले.
सहकार्य आणि परिश्रम
या सुबक कार्यक्रमाचे बहारदार सूत्रसंचालन धर्मेंद्र भारती यांनी आपल्या खुसखुशीत शैलीत केले, तर उपस्थितांचे आभार श्रीराम मोडक यांनी मानले. कलाकारांना वाद्यवृंदावर संगीत सुरांची साथ संगीतकार चौधरी यांनी दिली. हा सांगीतिक सोहळा यशस्वी करण्यासाठी अंजनी राणे, निश्रा जैस्वाल, डॉ. नरेंद्र गोसावी, डॉ. राहुल नेवे, डॉ. दीपक अंधारे, राम दाऊतखाने, चंद्रशेखर चव्हाण, कैलास मराठे, प्रा. डॉ. माधव कदम, मधुकर शेवाळे, विजय पवार, राज जमीनदार, मीनल जमीनदार आदींसह फाउंडेशनच्या सर्व सदस्यांनी विशेष परिश्रम घेतले.
संबधित बातम्या
