निवृत्तीवेतनधारकांसाठी डिजिटल जीवन प्रमाणपत्र अभियान; मोबाईलवरून घरबसल्या सादर करता येणार हयातीचा दाखला
नंदुरबार जिल्हा कोषागार कार्यालयातर्फे जिल्ह्यातील राज्य शासकीय व कुटुंब निवृत्तीवेतनधारकांसाठी १ ते ३० नोव्हेंबर या कालावधीत 'देशव्यापी डिजिटल जीवन प्रमाणपत्र अभियान' राबविण्यात येत आहे. आधुनिक तंत्रज्ञानाचा वापर करून वार्षिक हयातीचा दाखला सुलभतेने सादर करणे हा या अभियानाचा मुख्य उद्देश आहे.
- एकूण लाभार्थी: नंदुरबार जिल्ह्यात एकूण ८ हजार ४५५ निवृत्तीवेतनधारक आहेत.
- वितरण रक्कम: जिल्ह्यातील सर्व राज्य शासकीय आणि कुटुंब निवृत्तीवेतनधारकांना दर महिन्याला शासनाकडून २७ कोटी ८९ लाख ८५ हजार ९०२ रुपयांचे पेन्शन वितरित करण्यात येते.
- दाखला सादर करण्याचे विविध पर्याय:
- मोबाईलद्वारे (फेस ऑथेंटिकेशन): निवृत्तीवेतनधारक ‘जीवन प्रमाण’ आणि ‘आधार फेस आरडी’ हे ॲप्स मोबाईलमध्ये डाउनलोड करून, आधार आधारित फेस ऑथेंटिकेशनद्वारे घरबसल्या विनाशुल्क डिजिटल हयातीचा दाखला सादर करू शकतात.
- बँकेच्या शाखेत: निवृत्तीवेतनधारक आपल्या पेन्शन खात्याच्या बँकेत जाऊन थेट दाखला सादर करू शकतात.
- बायोमॅट्रिक पद्धत: बँकेने नियुक्त केलेल्या कर्मचाऱ्यांमार्फत अंगठ्याचा ठसा किंवा डोळ्यांच्या बुबुळाचे स्कॅन (Iris scan) करून ओळख प्रमाणित केली जाईल.
- महत्त्वाच्या सूचना:
- कुटुंब निवृत्तीवेतनधारकांनी पुनर्विवाह केला असल्यास त्याबाबतची आवश्यक माहिती संबंधित नोंदीमध्ये अपडेट करावी.
- वैयक्तिक किंवा इतर माहिती बदलली असल्यास त्याची माहिती संबंधित बँकेला द्यावी.
- डिजिटल दाखला यशस्वीरित्या सादर झाल्यावर प्राप्त होणारी पावती किंवा क्रमांक भविष्यातील संदर्भासाठी जपून ठेवावा.
Follow Us:
संबधित बातम्या
