नंदुरबार जिल्ह्याचा देशपातळीवर गौरव: ‘मिशन सिकलसेल निर्मूलन’ उपक्रमाला प्रतिष्ठित ‘स्कॉच पुरस्कार’ जाहीर!

जिल्हा प्रशासनाच्या “मिशन फॉर ॲड्रेसिंग अँड मॅनेजमेंट ऑफ सिकलसेल डिसीज” (Mission for Addressing and Management of Sickle Cell Disease) या महत्त्वाकांक्षी उपक्रमाची या पुरस्कारासाठी निवड झाली आहे.

नंदुरबार हा आदिवासी बहुल जिल्हा असल्याने येथे सिकलसेल (Sickle Cell) या अनुवांशिक आजाराचे प्रमाण मोठे आहे. या आव्हानावर मात करण्यासाठी मा. जिल्हाधिकारी, मित्ताली सेठी, मा. मुख्य कार्यकारी अधिकारी, नमन गोयल यांच्या मार्गदर्शनाखाली जिल्हा आरोग्य विभागाने एक सर्वसमावेशक, समन्वित आणि लोकसहभागावर आधारित अभिनव मोहीम राबवली.

• घरोघरी आणि व्यापक तपासणी: सिकलसेलच्या लवकर निदानासाठी विशेष मोहीम राबवून मोठ्या प्रमाणावर स्क्रीनिंग करण्यात आले.

• योग्य वैद्यकीय काळजी व उपचार: बाधित रुग्णांवर नियमित उपचारांची सोय करून त्यांना दर्जेदार वैद्यकीय सेवा उपलब्ध करून देण्यात आली.

• नियमित पाठपुरावा (Regular Follow-up): रुग्णांच्या प्रकृतीवर सातत्याने लक्ष ठेवण्यासाठी यंत्रणा सक्षम करण्यात आली.

• जनजागृती अभियान: नागरिकांमध्ये या आजाराविषयी योग्य माहिती व्हावी आणि जनजागृती निर्माण व्हावी यासाठी विविध उपक्रम राबविले गेले.

हा प्रतिष्ठित पुरस्कार मिळणे म्हणजे नंदुरबार प्रशासनाच्या अहोरात्र परिश्रमांची आणि दूरदर्शी प्रशासकिय नेतृत्वाची पावतीच आहे. या उपक्रमामुळे सिकलसेल रुग्णांचे जीवनमान सुधारण्यास मोठी मदत झाली असून, जिल्ह्यात एक शाश्वत आणि सक्षम सार्वजनिक आरोग्य प्रणाली उभी राहिली आहे. हा संपूर्णं नंदुरबार जिल्हावासीयांसाठी अत्यंत अभिमानास्पद क्षण आहे!