रोटरी क्लब ऑफ रत्नागिरी मिडटाउन तर्फे प्राथमिक आश्रमशाळा जावडेचे मुख्याध्यापक लक्ष्मण मिडगुले “टिचर एक्सलन्स ॲवार्ड” ने सन्मानित

विद्यार्थ्यांच्या शैक्षणिक प्रगतीसोबतच त्यांच्या सर्वांगीण व्यक्तिमत्त्व विकासाला चालना देण्यासाठी विविध नाविन्यपूर्ण शैक्षणिक, सामाजिक व विद्यार्थी-केंद्रित उपक्रम राबविण्यात मिडगुले यांचा सक्रिय सहभाग आहे. कृती आधारित व आनंददायी शिक्षण, विद्यार्थ्यांचा उपक्रमांमधील सहभाग तसेच शाळेच्या विकासासाठी सातत्याने केलेले प्रयत्न यांची दखल घेत त्यांची या पुरस्कारासाठी निवड करण्यात आली. आश्रम शाळेतील विद्यार्थ्यांना दर्जेदार शिक्षणाच्या संधी उपलब्ध करून देतानाच त्यांच्या कलागुणांना, सर्जनशीलतेला आणि सुप्त कौशल्यांना वाव मिळावा यासाठी विविध उपक्रमांचे आयोजन केले जाते. शैक्षणिक कार्यासोबतच सामाजिक बांधिलकी जपत शाळा व विद्यार्थ्यांच्या विकासासाठी केलेल्या कार्यामुळे मिडगुले यांच्या कार्याची विशेष दखल घेण्यात आली. रत्नागिरी येथे झालेल्या पुरस्कार सोहळ्यात रोटरी क्लबच्या पदाधिकाऱ्यांच्या हस्ते मिडगुले यांना ‘टिचर एक्सलन्स अवॉर्ड 2026’ प्रदान करण्यात आला. हा सन्मान मिळाल्याबद्दल त्यांचे हेरीटेज संस्थेच्या अध्यक्षा ॲड.अपर्णा पवार, संतोष कांबळे, शिक्षक, कर्मचारी, विद्यार्थी, पालक तसेच शिक्षण क्षेत्रातील विविध मान्यवरांकडून अभिनंदन होत आहे. शिक्षणातील प्रयोगशीलता आणि विद्यार्थीकेंद्रित दृष्टिकोनाला मिळालेला हा सन्मान त्यांच्या पुढील शैक्षणिक कार्यासाठी निश्चितच प्रेरणादायी ठरणार आहे.