सेवा संकल्प अभियानांतर्गत रोझवा पुनर्वसन येथे विशेष आरोग्य तपासणी शिबिर

            तालुका आरोग्य अधिकारी डॉ. विशाल चौधरी यांच्या निर्देशानुसार व वैद्यकीय अधिकारी डॉ. सुंदर वळवी यांच्या मार्गदर्शनाखाली आयोजित या शिबिरात मिशन 100 दिवसांतर्गत उच्च रक्तदाब व मधुमेहाची तपासणी करण्यात आली. गरोदर मातांची आरोग्य तपासणी करून आवश्यक औषधोपचार, आयर्न-फोलिक ॲसिड गोळ्यांचे वाटप तसेच आहाराबाबत मार्गदर्शन करण्यात आले.

समता फाऊंडेशनच्या सहकार्याने ग्रामस्थांची मोफत नेत्र तपासणी करून पुढील उपचारांसाठी आवश्यक सल्ला देण्यात आला. तसेच नागरिकांची आभा (ABHA) व आयुष्मान भारत कार्ड नोंदणी करण्यात आली.

          रुग्णांचे वेळेवर निदान व्हावे यासाठी आवश्यक रक्त तपासण्याही मोफत करण्यात आल्या. शिबिराच्या यशस्वी आयोजनासाठी आरोग्य विभागातील अधिकारी-कर्मचारी, आरोग्य सेविका व आशा स्वयंसेविकांनी सक्रिय सहभाग घेतला.