सरदार सरोवर प्रकल्पाच्या प्रलंबित विषयांचा आढावा घेण्यात आला
(नंदुरबार) सरदार सरोवर प्रकल्पाशी संबंधित प्रलंबित विषयांचा जिल्हाधिकारी डॉ.मित्ताली सेठी यांनी आज आढावा घेतला. प्रकल्पग्रस्तांच्या प्रश्नांवर तातडीने कार्यवाही करून प्रलंबित प्रकरणे मार्गी लावण्याच्या सूचना त्यांनी संबंधित अधिकाऱ्यांना दिल्या.
- प्रलंबित भू-संपादन प्रकरणांवर त्वरित कार्यवाही करण्याच्या सूचना देण्यात आल्या.
- शासकीय जमिनीची पसंती दिलेल्या गटांची मोजणी ऑक्टोबर अखेरपर्यंत पूर्ण करण्याचे निर्देश देण्यात आले.
- सिंचन अनुदानाचे प्रलंबित प्रस्ताव आवश्यक त्रुटीपूर्तता करून प्रशासकीय मान्यतेसाठी तातडीने सादर करण्यास सांगितले.
बैठकीस अपर जिल्हाधिकारी, सरदार सरोवर प्रकल्प, उपजिल्हाधिकारी, ससप्र, कार्यकारी अभियंता, नर्मदा विकास विभाग तसेच नर्मदा नवनिर्माण अभियानाचे प्रतिनिधी उपस्थित होते. 
प्रकल्पाशी संबंधित प्रलंबित बाबींचा वेळेत निपटारा करून नागरिकांना आवश्यक सुविधा व लाभ उपलब्ध करून देण्यावर प्रशासनाचा भर आहे.
Follow Us:
संबधित बातम्या
