शहाद्यात आजपासून रंगणार भक्तीचा मळा; संत सेना महाराज पुण्यतिथीनिमित्त अखंड हरिनाम कीर्तन सप्ताहाचा शुभारंभ!
साईबाबा नगरात भक्तीचा जागर; ८ सप्टेंबरपर्यंत रंगणार सोहळा
शहादा शहरातील साईबाबा नगर येथील श्री गोकर्णेश्वर महादेव मंदिर प्रांगणात हा भव्य सोहळा दि. १ सप्टेंबर ते ८ सप्टेंबर २०२६ दरम्यान पार पडणार आहे. या उत्सव काळात दररोज सायंकाळी साडे सहा ते रात्री १०.३० वाजेपर्यंत नामवंत कीर्तनकारांची कीर्तनरूपी सेवा होणार आहे. या धार्मिक सोहळ्याचे आयोजन नगरसेविका ममता हेमराज पवार यांच्या पुढाकाराने, श्री गोकर्णेश्वर महादेव मंदिर समिती आणि समस्त भाविकांच्या लोकसहभागातून व सहकार्यातून करण्यात आले आहे.
ह.भ.प. राज महाराज पाडळकर यांच्या कीर्तनाने प्रारंभ; सांगतेला महाप्रसाद
या सोहळ्याची सुरुवात आज दि. १ सप्टेंबर रोजी ह.भ.प. राज महाराज पाडळकर यांच्या रसाळ वाणीतून होणाऱ्या कीर्तनाने होणार आहे. यानंतर सप्ताहाच्या प्रत्येक दिवशी महाराष्ट्रातील विविध नामवंत कीर्तनकार आपल्या निरुपणातून भक्तीचा आणि समाजप्रबोधनाचा संदेश देतील. आठवडाभर चालणाऱ्या या अखंड हरिनाम सप्ताहाची सांगता दि. ८ सप्टेंबर २०२६ रोजी होणार असून, त्यादिवशी कीर्तनानंतर उपस्थित सर्व भाविकांसाठी भव्य महाप्रसादाचे आयोजन करण्यात आले आहे. परिसरातील सर्व नागरिकांनी आणि विठ्ठलभक्तांनी या कीर्तन सप्ताहाचा आणि महाप्रसादाचा लाभ घ्यावा, असे आवाहन आयोजक समितीकडून करण्यात आले आहे.
संबधित बातम्या
