“एकलव्य विद्यालय,नंदुरबार येथे ई-कचरा संकलन”

यामुळे पर्यावरण संवर्धनाचा संदेश देण्यासाठी ‘नंदुरबार डेव्हलपमेंट समिट’ यांच्या पुढाकारातून नंदुरबार शहरातील एकलव्य विद्यालय, येथे ई – कचरा संकलन व जनजागृती अभियान राबवण्यात आले. या कार्यक्रमास भारतीय जनता पार्टी महिला मोर्चा जिल्हाध्यक्षा तथा महाराष्ट्र राज्य PCPNDT सल्लागार समितीच्या सदस्या डॉ. समिधा नटावदकर प्रमुख पाहुण्या म्हणून उपस्थित होत्या. सोबत एकलव्य विद्यालय तथा ज. ग. नटावदकर  कनिष्ट महाविद्यालयाचे प्राचार्य धर्मेंद्र मराठे, उपप्राचार्य डॉ. गिरीश पवार, पर्यवेक्षक टी. एन. पाडवी, संस्थेचे विज्ञान विभाग प्रमुख मिलिंद वडनगरे, ज्येष्ठ शिक्षक वसंत वसईकर, सुनील पाटील आदी उपस्थित होते. या कार्यक्रमात मान्यवरांकडून वियार्थ्यांनी आणलेल्या ई – कचऱ्याचे संकलन करण्यात आले. कार्यक्रमाचे सूत्रसंचालन राहुल भावसार व आभार प्रदर्शन संदीप पाटील यांनी केले.