सहकार मंत्र्यांच्या आश्वासनानंतर आझाद मैदानावरील शेतकरी उपोषण मागे

सध्या राज्यात ‘पुण्यश्लोक अहिल्यादेवी होळकर शेतकरी कर्जमुक्ती योजना २०२६’ ची प्रभावी अंमलबजावणी सुरू असून पात्र शेतकऱ्यांना लाभ दिला जात आहे. मात्र, वाढते वय आणि शेतीच्या कामांमुळे हाताचे ठसे झिजल्याने अनेक पात्र शेतकऱ्यांना आधार प्रमाणीकरण (Aadhaar Authentication) करताना तांत्रिक अडचणी येत आहेत. या अडचणींमुळे एकही पात्र शेतकरी या योजनेपासून वंचित राहू नये, यासाठी मुख्यमंत्री देवेंद्र फडणवीस यांच्या अध्यक्षतेखालील समितीसमोर हा विषय मांडून सकारात्मक निर्णय घेतला जाईल, असे आश्वासन मंत्री बाबासाहेब पाटील यांनी दिले. सहकार मंत्र्यांच्या या सकारात्मक भूमिकेनंतर अंकुशराव पाटील होनाळकर यांनी उपोषण थांबवत असल्याचे जाहीर केले.