राष्ट्रीय जंतनाशक मोहिमेंतर्गत विद्यार्थ्यांचे आरोग्य संवर्धन: शाळा व आरोग्य केंद्रांमध्ये जंतनाशक गोळ्यांचे वाटप !

         या मोहिमेंतर्गत जिल्ह्यातील प्राथमिक आरोग्य केंद्र, अंगणवाडी केंद्र आणि जिल्हा परिषद शाळांच्या स्तरावर विशेष मोहीम हाती घेण्यात आली. या मोहिमेच्या माध्यमातून शाळांमधील आणि अंगणवडीतील सर्व पात्र विद्यार्थ्यांना अल्बेंडाझोल (Albendazole) जंतनाशक गोळ्यांचे सुरक्षितपणे वाटप करण्यात आले.

लहान मुलांमध्ये जंतसंसर्गाची समस्या मोठ्या प्रमाणावर आढळते, ज्यामुळे मुलांची शारीरिक वाढ खुंटणे, ॲनिमिया (अशक्तपणा), सतत थकवा जाणवणे आणि अभ्यासात एकाग्रता न लागणे अशा समस्या उद्भवतात. यावर मात करण्यासाठी आणि बालकांचे आरोग्य सुदृढ राखण्यासाठी शासनस्तरावरून ही मोहीम राबवली जाते. नियमित जंतनाशक गोळ्यांचे सेवन केल्याने मुलांची पचनशक्ती सुधारते, रोगप्रतिकारशक्ती वाढते आणि कुपोषणावर नियंत्रण मिळवणे सोपे होते.

या उपक्रमादरम्यान शिक्षक, आरोग्य कर्मचारी आणि अंगणवाडी सेविकांनी विशेष परिश्रम घेतले. पालकांमध्येही या मोहिमेबाबत मोठी जनजागृती पाहायला मिळाली, ज्यामुळे विद्यार्थ्यांनी मोठ्या उत्साहात या आरोग्य उपक्रमात सहभाग घेतला. स्थानिक पातळीवर आरोग्य विभागाच्या मार्गदर्शनाखाली हा उपक्रम अत्यंत सुव्यवस्थित पार पाडण्यात आला.