कुंभमेळ्याच्या अनुषंगाने प्रकाशा येथील विकासकामे मार्च २०२७ पर्यंत पूर्ण करा!
(नंदुरबार) आगामी कुंभमेळ्याच्या पार्श्वभूमीवर प्रकाशा येथील विविध विकासकामांचे नियोजन करण्यासाठी बैठक घेण्यात आली.
यावेळी जिल्हाधिकाऱ्यांनी सर्व विकासकामे मार्च २०२७ पर्यंत पूर्ण करण्याचे निर्देश संबंधित यंत्रणांना दिले.
- केदारेश्वर मंदिर परिसरातील घाट विकास
- गौतमेश्वर मंदिर घाटाचा विकास
- अंतर्गत रस्त्यांची कामे
- भाविकांसाठी आवश्यक पायाभूत सुविधांचे नियोजन
प्रकाशा येथे स्नानासाठी येणाऱ्या भाविकांच्या सुविधेसाठी ग्रामस्थांनी केलेल्या मागणीनुसार स्नानकुंड उभारण्याबाबतही सूचना देण्यात आल्या. यासाठी जलसंपदा विभागाच्या मुख्य अभियंत्यांशी समन्वय साधून आवश्यक परवानग्या घेण्याचे निर्देश देण्यात आले.
कुंभमेळ्याच्या काळात भाविकांना आवश्यक सुविधा उपलब्ध व्हाव्यात, यासाठी सर्व संबंधित विभागांनी नियोजनबद्ध पद्धतीने कामे वेळेत पूर्ण करावीत, असे निर्देश जिल्हाधिकाऱ्यांनी दिले.
Follow Us:
संबधित बातम्या
