प्रभाग रचना अंतिम, आता मतदार याद्यांची प्रतीक्षा; जिल्ह्यातील १४५ ग्रामपंचायतींमध्ये निवडणुकीचे वेध
(नंदुरबार) सध्या शासकीय विस्तार अधिकाऱ्यांकडे प्रशासक म्हणून पदभार देण्यात आला आहे. एकाच अधिकाऱ्याकडे २ ते ३ ग्रामपंचायतींचा भार असल्याने दैनंदिन कामात अडथळे येत असून विकासकामे व पायाभूत सुविधांची कामे रखडली आहेत.
- सरपंचांची प्रशासक म्हणून नियुक्ती आणि मर्यादा: जानेवारी २०२६ मधील परिपत्रकानुसार, मुदत संपणाऱ्या ग्रामपंचायतींवर विद्यमान सरपंचांनाच प्रशासक सरपंच म्हणून नेमण्याचा निर्णय राज्य सरकारने घेतला होता. त्यानुसार नंदुरबार जिल्ह्यातील ८७ ग्रामपंचायतींवर २८ फेब्रुवारी २०२६ नंतर अशा नियुक्त्या करण्यात आल्या. परंतु, या सरपंचांचे अधिकार मर्यादित असल्याने विकासकामांना गती मिळू शकलेली नाही.
- ५८ ठिकाणी २०२४ पासून प्रशासक: जिल्ह्यातील उर्वरित ५८ ग्रामपंचायतींची मुदत २०२४ पासून संपलेली आहे. या ठिकाणी थेट शासकीय प्रशासकांकडून कारभार पाहिला जात आहे.
- निवडणुकीची प्रतीक्षा: मुदत संपलेल्या ५८ ग्रामपंचायतींची प्रभाग रचना पूर्ण झाली असून, उर्वरित ८७ ग्रामपंचायतींची प्रभाग रचना ऑगस्ट महिन्यात जिल्हा परिषदेचे मुख्य कार्यकारी अधिकारी अभिनव गोयल यांनी अंतिम केली आहे. सध्या मतदार याद्यांच्या विशेष पुनरीक्षण कार्यक्रमाचे काम सुरू असून, ते संपल्यानंतर या १४५ ग्रामपंचायतींच्या निवडणुकीचा कार्यक्रम घोषित होण्याची शक्यता आहे. यामुळे ग्रामस्थांचे लक्ष निवडणूक घोषणेकडे लागले आहे.
- प्रभावित तालुके: शहादा, तळोदा, अक्कलकुवा, धडगाव, नंदुरबार आणि नवापूर या तालुक्यातील अनेक गावांचा यामध्ये समावेश आहे.
Follow Us:
संबधित बातम्या
