शेतकऱ्यांच्या घामाला मिळणार जागतिक मोल! ‘मॅग्रेट २.०’ च्या माध्यमातून महाराष्ट्राच्या शेतीत ₹१,००० कोटींहून अधिक गुंतवणुकीचा महायज्ञ

मुंबईत पार पडलेल्या ‘मॅग्रेट प्रीबिजनेस इन्फ्रास्ट्रक्चर इन्व्हेस्टर मीट’ (MAGNET Pre-Business Infrastructure Investor Meet) मध्ये राज्याचे पणन मंत्री जयकुमार रावल यांनी या कृषी क्रांतीचा मार्ग आराखडा जाहीर केला. ‘मॅग्रेट २.०’ (MAGNET 2.0) या महत्त्वाकांक्षी प्रकल्पांतर्गत राज्यातील ६ प्रमुख पिकांच्या समूहांसाठी ₹१,००० कोटींहून अधिक गुंतवणुकीच्या संधी खुल्या करण्यात आल्या असून, खाजगी क्षेत्राला या समृद्धीच्या प्रवासात भागीदार होण्याचे खुले आवाहन त्यांनी केले आहे

•  केळी | द्राक्षे |  आंबा |  लिंबूवर्गीय फळे |  काजू |  हळद

• ४,३०० थेट रोजगारांची निर्मिती: यातील बहुतांश रोजगार ग्रामीण भागातील महिलांना मिळाले आहेत.
• ४५% महिला शेतकरी लाभार्थी: २.३२ लाख लाभार्थ्यांमध्ये महिलांचा मोठा वाटा असून ३३,००० हून अधिक शेतकऱ्यांना अत्याधुनिक शेतीचे प्रशिक्षण मिळाले.
• ८% पिकांची नासाडी थांबली: modern cold chain तंत्रज्ञानामुळे शेतमालाचे नुकसान ८ टक्क्यांनी घटले आहे.
• २५०+ उपप्रकल्पांना बळ: १४,५०० मेट्रिक टन शीतगृह क्षमतेसह २५० हून अधिक स्थानिक प्रकल्पांना थेट अर्थसहाय्य पुरवण्यात आले.

• कॉर्पोरेट दिग्गज: ॲमेझॉन (Amazon), फ्लिपकार्ट (Flipkart), विप्रो (Wipro), सह्याद्री फार्म्स (Sahyadri Farms) आणि व्हिटास सिड (Vitas Seed) च्या वरिष्ठ अधिकाऱ्यांनी सहभाग नोंदवून गुंतवणुकीची इच्छा व्यक्त केली.
• जागतिक महावाणिज्यदूत: कॅनडा, ब्रिटन, फ्रान्स, दक्षिण कोरिया, इटली, चेक प्रजासत्ताक, मॉरिशस, अर्जेंटिना आणि युगांडा या देशांच्या राजनैतिक प्रतिनिधींनी महाराष्ट्राच्या कृषी मॉडेलचे कौतुक केले.
• प्रशासकीय प्रमुख: मुख्यमंत्र्यांचे आर्थिक सल्लागार प्रवीण सिंह परदेशी (‘मित्रा’ सीईओ), पणन प्रधान सचिव प्रवीण दराडे, आशियाई विकास बँकेचे (ADB) ताकेशी उप्पुडा व ख्रिसन रोतेला यांसारख्या उच्चपदस्थ अधिकाऱ्यांच्या उपस्थितीत या धोरणावर मोहर उमटवण्यात आली.